Fréttir

Síðasti dansleikur fyrir sumarfrí

Síðasti dansleikurinn fyrir sumarfrí var haldinn í hátíðasalnum í lok síðustu viku. Grundarbandið okkar vinsæla lék að venju fyrir dansi. Það er dásamlegt að sjá hvað margir mæta á dansleikina nú orðið og alltaf sérstaklega ánægjulegt þegar aðstandendur mæta til að dansa við fólkið sitt. Það jafnast nefnilega enginn á við nánustu ættingja í augum heimilisfólksins.

Diskó í hátíðasalnum

Diskó, diskó friskó er viðlagið í einu þekktu diskólagi sem eflaust hljómaði á diskótekinu sem haldið var í hátíðasal Grundar í síðustu viku. Það var létt og kátt andrúmsloftið og margir sungu með hástöfum þegar Abba hljómaði í salnum. Það voru allir á einu máli um að það yrði stutt í næsta diskó.

Fóstbræður sungu fyrir heimilisfólk Grundar

Karlakórinn Fóstbræður kom í sína óviðjafnanlegu heimsókn hingað á Grund um síðustu helgi og hélt tónleika. Þetta var að venju mögnuð stund og húsið ómaði af þessum stórkostlega söng. Takk kæru Fóstbræður fyrir að muna alltaf eftir okkur hér á Grund, ár eftir ár.

Gömlu góðu dægurlögin

Það var föstudags"fílingur" á Litlu Grund rétt fyrir hádegið þegar þeir Jón Ólafur Þorsteinsson og Jose Luis Anderson Esquivel léku á harmonikku og gítar og sungu vinsæl gömul dægurlög. Það er nóg um tónlist á heimilinu í dag því eftir hádegi eru síðan tónleikar í hátíðasal heimilsins.

Mikið fjör í hátíðasal

Það var sérstaklega vel mætt á dansleikinn í hátíðasal Grundar þegar vinsæla Grundarbandið okkar kom og lék fyrir dansi nýlega. Starfsfólk dansaði með heimilisfólki og allir nutu stundarinnar.

Áhugaverður fundur

Peysufataklæddir nemendur mættu í heimsókn

Í áravís höfum við fengið til okkar skemmtilega vorboða í heimsókn, hóp nemenda frá Kvennaskólanum í Reykjavík. Þeir koma árlega til okkar í tilefni af Peysufatadeginum.

Það eru að koma páskar

Það styttist í páska og allt tómstundastarf ber þess merki þessa dagana

Viltu útbúa lífssögu fyrir mömmu eða ömmu?

Í dag var aðstandendum Grundarheimilanna boðið að koma í Mörk og kynna sér hvernig hægt er að gera lífssögu fyrir heimilismann.

Stundum er blaðra allt sem þarf

Stundum er litrík blaðra bara allt sem þarf til að lífið skipti um lit.