Fréttir

Blómaklúbbur Mörk 60+ fékk að sjálfsögðu líka blóm úr garðyrkjustöðinni í Ási. Þær Sigrún Hjartardóttir, Una Stefanía Sigurðardóttir, Aðalbjörg Ingvarsdóttir og Björg Skarphéðinsdóttir settu niður blóm við garðskálann með góðri hjálp frá Jónasi í Ási og sumarstarfsfólkinu.

Blómaklúbbur Mörk 60+ fékk að sjálfsögðu líka blóm úr garðyrkjustöðinni í Ási. Þær Sigrún Hjartardóttir, Una Stefanía Sigurðardóttir, Aðalbjörg Ingvarsdóttir og Björg Skarphéðinsdóttir settu niður blóm við garðskálann með góðri hjálp frá Jónasi í Ási og sumarstarfsfólkinu.

Þá eru sumarblómin komin til okkar beint frá Hveragerði úr gróðurhúsunum okkar. Stúlkurnar í ræstingunni sjá alltaf um að planta blómunum í beðin fyrir framan hjúkrunarheimilið. Það er orðið blómlegt og fallegt í beðunum.

Síðastliðið föstudagskvöld hélt tónlistarhópurinn Músík í Mörk sumarlega gleðistund í Kaffi Mörk fyrir íbúa 60+. Karen Lind Ingudóttir kom og söng í upphafi kvölds og með henni var Jóhannes Guðjónsson á píanó en þau voru bæði að ljúka brottfararprófi frá FÍH og ætla áfram í Listaháskólann í haust. Síðla kvölds voru spilaðir ljúfir tónar á tjaldinu og íbúar gæddu sér á léttum veitingum.

Síðasta innipúttmót vetrarins var haldið i lok apríl og að venju var það Júlíus G. Rafnsson, fyrrverandi forseti Golfsambands Íslands, sem hélt utan um og stýrði mótinu. Eins og í fyrri mótum í vetur voru teknir tveir 9 holu hringir og að því loknu fór pútthópurinn í Kaffi Mörk og gæddi sér á guðaveigum og góðgæti. Það er hugur í fólki að byrja að pútta utandyra og taka þátt í púttmótum undir beru lofti en Júlíus hyggst einnig stýra mótum sumarsins. Í þessu síðasta innanhússmóti vetrarins var tilkynnt um sigurvegara vetrarins, samtalan tekin úr mótum vetrarins.

Í febrúar var mikil stemning í húsinu þegar fyrsta inni púttmótið fór fram. Júlíus G. Rafnsson fyrrum forseti Golfsambands Íslands vígði pútt aðstöðuna, veitti íbúum 60+ pútt ráðleggingar og hélt utan um mótið. Teknar voru 9 holur og í framhaldi af því fóru keppendur í Kaffi Mörk og fengu sér hressingu. Verðlaunaafhending fór fram í Kaffi Mörk og voru veitt verðlaun fyrir fyrsta, annað og þriðja sæti í karla og kvenna flokki.

Það var um miðja nótt sem Benedikt Sigurbjörnsson bakari í Ási og hans aðstoðarfólk byrjaði að setja á rjómabollur fyrir bolludag. Alls voru það um 1400 rjómabollur sem voru bornar fram á Grundarheimilunum þetta árið. Að venju var kátína með bakkelsið og bollurnar runnu ljúflega ofan í heimilisfólk Grundar, Markar og Áss, starfsfólkið og íbúa hjá Íbúðum 60+.

Grundarheimilin óska landsmönnum öllum gleðilegra jóla og farsældar á komandi ári.

Elín Hirst kom síðasta föstudag í Kaffi Mörk og las upp úr nýjustu bók sinni, Afi minn stríðsfangi. Í bókinni rekur Elín sögu afa síns, hins þýska Karls Hirst, en sá var handtekinn af breska hernum þegar Bretar hernámu Ísland aðfaranótt 10. maí 1940. Takk kærlega fyrir komuna Elín.

Þröstur Ólafsson kom til okkar í Mörk í gær í vöfflukaffi íbúa 60+ og las upp úr bók sinni Horfinn heimur. Þröstur er fæddur á Húsavík og í bókinni lýsir hann hugljúfum heimi æskuslóðanna og lífsstarfi sínu. Þökkum við Þresti kærlega fyrir komuna.