Um íbúðirnar
Skrifstofa íbúða 60+ verður lokuð vegna sumarleyfa frá 5. júní til 18. júní.
Erindi má senda á netfangið morkin@morkin.is og unnið verður úr fyrirspurnum 18. júní.
Núna fer fram úthlutun á íbúðum til þeirra sem sóttu um árið 2018-2019.
Mörk 60+
Engar íbúðir eru lausar sem stendur hjá Íbúðum 60+ í Mörkinni en við hvetjum áhugasama til að skrá sig á biðlista og haft verður samband þegar að úthlutun kemur. Ef þú vilt skrá þig á biðlista eða ef þú ert með einhverjar spurningar máttu endilega hafa samband með því að senda okkur tölvupóst á morkin@morkin.is eða hringja í síma 560-1901.
Til að skrá sig á biðlistann skal senda kennitölu/r, símanúmer og ósk um stærð á íbúð.
Greiðslufyrirkomulag
Íbúar greiða 30% eignarhluta af íbúðarverði ásamt því að greiða mánaðarlega afnotagjald (leigu) fyrir 70% sem er í eigu félagsins. Verðmæti 30% eignarhluta íbúa verðbætist miðað við byggingavísitölu, afskrifast um 2% á ári og er endurgreiddur að samningstíma loknum. Samningarnir eru ótímabundnir og uppsegjanlegir með þriggja mánaða fyrirvara. Ekki er hægt að kaupa hærri hlut en 30%.
Greiðslur vegna afnota (leigu) af húsnæði og bílastæðum hækka í takt við breytingar á neysluverðsvísitölu. Innifalið í hússjóði er hiti og rafmagn í sameign og hiti í íbúð ásamt fasteignagjöldum og brunatryggingu, húsvörslu, umhirðu lóða og fasteigna. Íbúar greiða sjálfir fyrir rafmagnsnotkun í sinni íbúð skv. mæli, innbústryggingu og nettengingu.
Verð
Fyrir tveggja herbergja íbúð,74fm – 80fm, er 30% eignarhlutur um 16-18 milljónir og mánaðarlegar greiðslur um 280-310 þúsund (hússjóður og þjónustugjald innifalið).
Fyrir þriggja herbergja íbúð, 90fm – 113fm, er 30% eignarhlutur um 20-25 milljónir og mánaðarlegar greiðslur um 340-420 þúsund (hússjóður og þjónustugjald innifalið).
Fyrir þriggja-fjögurra herbergja íbúð, 140fm, er 30% eignarhlutur um 27-30,5 milljónir og mánaðarlegar greiðslur um 390-500 þúsund (hússjóður og þjónustugjald innifalið).
Bílastæði í bílakjallara er valfrjálst og kostar um 19.000 kr. á mánuði.
Þjónusta
Í Mörk 60+ er Heilsulind þar sem er sundlaug, heitur pottur, gufuböð, tækjasalur, nudd- og sjúkraþjálfun. Matsalur er á svæðinu þar sem hægt er að fá hádegismat alla daga ársins, kaffihús sem er opið frá hádegi og fram eftir degi, hárgreiðslu- og snyrtistofa, púttvöllur og svo félagsstarf sem er starfrækt af frumkvæði íbúa. Hægt er að lesa nánar um þjónustuna á svæðinu hér til hliðar á síðunni.