Fjölmargir lögðu leið sína á opið hús á afmælisdegi Áss í gær þegar gefinn var kostur á að skoða nýja hjúkrunarheimilið sem er að rísa. Gestum var boðið upp á kaffi og kleinur og fengu leiðsögn um þetta glæsilega heimili sem stefnan er að opna í febrúar á næsta ári.

Í tilefni af 80 ára afmæli Hveragerðisbæjar og 74 ára afmæli Áss verður nýja hjúkrunarheimilið sem rís norðan Hverahlíðar opið gestum sunnudaginn 26. júlí frá 14.00 – 17.00. Boðið verður upp á kaffi og kleinur. Allir velkomnir Gísli Páll stjórnarformaður Grundarheimilanna

Björk var sjúkraliði á hjúkrunarheimilinu í Ási og talar oft um hvað það hafi verið og sé gott að vinna þar. Nú kemur hún í Bæjarás í dagdvöl. Hún nýtur þess nú eins og þegar hún var í vinnunni að dekra við heimilisfólkið. Hér er hún að setja rúllur í Rúr

Á Grund vinnur frábært starfsfólk frá ýmsum þjóðlöndum. Ángel er frá Venesúela og hún hefur að undanförnu verið iðin við að skreyta veggina á Litlu og Minni Grund og virkjað heimilisfólkið með sér. „Mér finnst gaman að gleðja heimilisfólkið sem hefur gefið mér svo mikið. Ástúð, góðvild, bros og faðmlög er það sem mætir mér hér í vinnunni. Heimilisfólkið er duglegt að kenna mér íslensku og það má alveg segja að þetta er íslenska fjölskyldan mín, heimilisfólk og starfsfólk á Litlu og Minni Grund. Við erum frá ýmsum þjóðlöndum sem hér störfum og um daginn útbjó ég með aðstoð heimilisfólks veggspjald með þjóðfánum okkar allra.“ Ángel segist alltaf hafa haft gaman af því að skapa og hún er með hjálp heimilisfólks að búa til fiðrildi, blóm og allskonar skraut sem þau hengja upp á veggi. Í Venesúela skreytti hún gjarnan kennslustofurnar líka en hún er kennari að mennt. Eiginmaður hennar og sonur komu með henni hingað til lands í leit að betri framtíð. Sonur hennar Isaac stundar nú nám í Hagaskóla, spilar á gítar, ber út dagblöð og vinnur við garðyrkju í sumar. Hann spilar líka fótbolta og eiginmaðurinn Luis vinnur í fiskbúð í Hafnarfirði. Þau eru alsæl hér á landi og Ángel segist hamingjusöm að fá að vera nálægt frábæru fólk á Litlu og Minni Grund.

Í lok síðustu viku sást til fyrstu sólarglætunnar í langan tíma og því var fagnað hér í Ási. Við slógum upp pylsupartýi þar sem margir heimilismenn lögðu hönd á plóg við undirbúning og á meðan á veisluhöldum stóð. ☀️ Í eftirrétt var boðið upp á heiðarlega sykurpúða-samloku og kom í ljós að margir voru að smakka þessa klístruðu veislu í fyrsta skipti. Sumir fóru alla leið í sumargleðinni og hentu í garðútilegu. Dýrmætt og skemmtilegt uppbrot sem veitti þvílíka gleði

Þau eittu svo sannarlega tilbreytingu hér í Mörk krakkar úr vinnuskóla Reykjavíkur sem komu til okkar og spiluðu fyrir heimilisfólk. Það var þungbúið svo flestir horfðu út um gluggann á þessa hressu krakka en nokkrir fóru út. Hópurinn fer víða og gleður gesti og gangandi með lúðrasveitarhljómum. Frábær heimsókn. Takk fyrir komuna.

Þau lífguðu aldeilis upp á hversdaginn hér á Grund krakkar úr vinnuskólanum sem komu til okkar á Hringbrautina og spiluðu fyrir heimilisfólk. Það blés svolítið svo flestir horfðu út um gluggann á þessa hressu krakka en nokkrir létu sig hafa það og fóru út. Hópurinn fer víða og gleður gesti og gangandi með lúðrasveitarhljómum. Frábær heimsókn. Takk fyrir komuna.

Við á Grundarheimilunum eru stolt að segja frá því að við áttum fimm fulltrúa við útskriftina hjá Háskólanum á Akureyri um síðustu helgi. Hasthika Lankathilaka starfsmaður á Grund og Maria Florinda Da Silva Abranja starfsmaður á hjúkrunardeildinni í Ási luku grunndiplómu í fagnámi fyrir starfandi sjúkraliða með sérhæfingu í öldrunar- og heimahjúkrun. Ragnhildur Rún Vilmundardóttir brautskráðist með BS gráðu í iðjuþjálfunarfræðum. Fanney Björg Karlsdóttir og Guðrún Lilja Jóhannsdóttir brautskráðust með viðbótardiplómu í ráðgjöf í málefnum fólks með heilabilun. Við óskum þeim hjartanlega til hamingju.

Stundum eru nokkrar blöðrur og frauðplast allt sem þarf til að fá góða hreyfingu, gera daginn skemmtilegan og bregða á leik. 🎈 María sjúkraþjálfari hér í Mörk fór um húsið og bauð upp á hreyfingu dagsins með þessum hætti. Allir skemmtu sér konunglega.

Það ríkir alltaf skemmtilegt andrúmsloft þegar heimilisfólk í Ási sækir sumarblóm til að hafa hjá sér. 🌹 Það er úr nægu að velja, litrík og falleg blóm sem gleðja svo sannarlega. Það er svo notalegt að puða aðeins í mold og gefandi að fylgjast með blómunum vaxa og dafna