Lionsklúbburinn Njörður gaf nýlega hjúkrunarheimilinu Mörk breiðan meðferðarbekk í sjúkraþjálfun. Bekkurinn er sérstaklega breiður og bólstraður til að gera hann mýkri svo hann henti vel fyrir þá sem þurfa á mýktinni að halda við æfingar. Félagar í Lions afhentu bekkinn formlega og myndirnar voru teknar við það tækifæri.

Það var notalegt að sjá börnin koma stormandi inn í hlýjuna á Litlu Grund en nemendur úr 3. bekk Landakotsskóla komu í heimsókn í vikunni og spjölluðu við og sungu fyrir heimilisfólkið. Svona ljúfar heimsóknir eru gefandi fyrir alla því heimilisfólkið nýtur þess að fá að spjalla og hlusta á ungviðið og það kynnist heimilinu og þeim sem þar búa. Grund er áberandi bygging í vesturbænum ogþað er frábært fyrir börnin að vita hvað er í þessu stóra húsi sem þau kannski fara framhjá daglega. Þetta eru notalegar samverustundir.

Síðastliðinn fimmtudag vorum við með fatamarkað í anddyri hjúkrunarheimilisins. Þar var fatnaður og annar varningur úr verslunum Grundarheimilanna til sölu á góðu verði. Margir gerðu sér ferð til að skoða, versla og spjalla og úr varð skemmtilegur dagur.

Það var notalegt í sjúkraþjálfuninni okkar í vikunni. Heimiliskonurnar Rúna og Eyrún kom saman einu sinni í viku og gera styrktaræfingar. Að þessu sinni voru þær að gera æfingar með uppáhaldsdótinu hans Pongó, stórum appelsínugulum boltum. Hann fylgdist að sjálfsögðu spenntur með og passaði að allt færi vel fram.

Við vekjum athygli á því að nú hefur kaffihúsið Kaffi Grund verið opnað. Það er nú opið alla daga vikunnar frá klukkan 13:00 til 17:00. Gestir geta keypt smurt brauð og kökur, kaffi og gosdrykki en enn er þó beðið eftir vínveitingaleyfi og því ekki að svo stöddu hægt að kaupa sér léttvínsglas eða bjór. Vekjum athygli á fallegu listaverki við kaffihúsið sem er eftir Helga Gíslason myndhöggvara. Í sumar á eftir að vera notalegt að sitja í suðurgarðinum og njóta sólar og skjóls. Gengið er inn um aðalinngang bakvið Grund og allir hjartanlega velkomnir

Það var haldin þrettándagleði í hátíðasal Grundar í gær. Grundarbandið mætti með harmonikkurnar og lék fyrir dansi i kringum jólatréð. Hjördís Geirsdóttir, söngkona, mætti með gítar og leiddi sönginn. Virkilega ljúf og notaleg stund.