Konurnar perluðu armbönd fyrir Kraft

Í gær hittust konur sem búa hjá Íbúðum 60+ í Mörk og perluðu saman armbönd til styrktar Krafti, sem er félag ungs fólks sem hefur greinst með krabbamein.

Það er ekki leiðinlegt að segja frá því en þessar duglegu konur náðu að perla 114 armbönd, hvorki meira né minna.
Söluandvirðið nemur 330.600 krónum
Ekki amalegt það.
Þær voru svo áhugasamar og skemmtu sér konunglega og tilkynntu að þær væru alveg til í að endurtaka þessa ljúfu stund.