Á Grund er allur matur eldaður á staðnum og manneldismarkmið Lýðheilsustöðvar höfð að leiðarljósi.
Sumarhátíð á Grund
Miðvikudagur, 21. júlí 2010 14:46
Þegar vel viðrar eins og undanfarið er um að gera að blása til hátíðahalda og það var gert á Grund einn góðviðrisdaginn fyrir skömmu. Þá var grillið dregið fram og harmonikkuband Grundar lék fyrir dansi. Auk heimilisfólksins kíktu nágrannarnir í gleðskapinn og starfsfólkið tjúttaði með heimilisfólkinu í sólinni. Frábær dagur.
Ljóðverk las í morgunstund
Miðvikudagur, 14. júlí 2010 11:22
Hópurinn Ljóðverk kom í heimsókn í morgunstund nýlega og les upp úr ljóðum fyrir heimilisfólkið hér á Grund. Það er alltaf gaman að fá ungt og hresst fólk í heimsókn til að lífga upp á lífið og tilveruna.
Geislaði af henni í upphlutnum á níræðisafmælinu
Miðvikudagur, 14. júlí 2010 10:43
Arnheiður Lilja Guðmundsdóttir fagnaði níræðisafmæli sínu þann 1. júlí síðastliðinn. Hún var svo glæsileg í fallega upphlutnum sínum að við máttum til með að smella af henni mynd í tilefni dagsins. Eiginmaður Arnheiðar, Geir Austmann Björnsson, er einnig búsettur á heimilinu.
